تفصیلات کے مطابق ھری پور تھانہ سٹی پولیس کی کامیاب کاروائی ،ٹی آئی پی محلہ عالم آباد گھر سے چوری کرنے والے ملزمان گرفتار ۔ملزمان سے سرقہ شدہ 45 لاکھ سے زائد مالیت کے سیونگ سرٹیفیکٹ ،25 لاکھ سے زائد مالیت کے طلائی زیورات، رقم مبلغ 80 ہزار روپے اور موبائل فون برآمد ۔تھانہ سٹی چوکی ٹی آئی پی کی حدود محلہ عالم آباد میں مورخہ 02.08.2023 کو گھر سے چوری کا واقع رونما ہوا۔مدعی عالم زیب خان ولد اوورنگزیب خان سکنہ محلہ عالم آباد کی رپورٹ پر ملزمان کے خلاف زیر دفعہ 380.34 تعزیرات پاکستان کے تحت مقدمہ درج رجسٹر ہوا۔ڈی پی او ہری پور محمد عمر خان نے واقع کا نوٹس لیتے ہوئے ڈی ایس پی ہیڈکواٹر محمد سجاد اور ایس ایچ او تھانہ سٹی کیڈٹ چن زیب کو وقوعہ میں ملوث ملزمان کو ٹریس کر کے گرفتار کرنے اور سرقہ شدہ طلائی زیورات اور دیگر سامان کی برآمدگی کے احکامات جاری کیے ۔ایس ایچ او تھانہ سٹی نے ہمراہ انچارج چوکی ٹی آئی پی محمد اعجاز اور دیگر نفری پولیس کے مقدمہ میں جدید سائنسی و تکنیکی بنیادوں پر تفتیش کا آغاز کرتے ہوئے واردات میں ملوث ملزمان محمد عادل ولد محمد سلیم سکنہ محلہ آصف آباد اور محمد یوسف ولد مقبول الرحمن سکنہ مکھن گاؤں کو گرفتار کر کے سرقہ شدہ 45 لاکھ سے زائد مالیت کے سیونگ سرٹیفیکٹ ،25 لاکھ سے زائد مالیت کے طلائی زیورات، رقم مبلغ 80 ہزار روپے اور موبائل فون برآمد کرلیا ۔ملزمان کو پیش عدالت کیا جہاں سے 01 یوم حراست پولیس منظور ہوئی ۔مقدمہ میں مذید تفتیش جاری ہے،
