شہریوں کی سہولت کیلئے سپیشل انیشئیٹو پولیس اسٹیشنز پراجیکٹ
(SIPS)
کے تحت تھانوں کی اپ گریڈیشن کی جا رہی ہے، آئی جی پنجاب ڈاکٹر عثمان انور
راولپنڈی سمیت مزید کئی شہروں میں سیف سٹی منصوبے کا آغاز کر رہے ہیں۔آئی جی پنجاب
چوری، ڈکیتی، رابری سمیت جرائم برخلاف پراپرٹی معاملات میں مقدمات کا فوری اندراج یقینی بنائیں، آئی جی پنجاب کی ہدایت
آئی جی پنجاب ڈاکٹر عثمان انور نے فرنٹ ڈیسک، ایس ایچ او،انچارج انوسٹی گیشن رومز سمیت تھانوں کے مختلف شعبوں،حوالات، ویٹنگ ایریاز کا جائزہ لیا۔
لاہور 15 ستمبر۔ انسپکٹر جنرل پولیس پنجاب ڈاکٹر عثمان انور نے راولپنڈی میں پولیس ٹریننگ کالج سہالہ،پولیس اسٹیشنز سول لائنز، صدر بیرونی اور ایس ڈی پی او صدر آفس کا دورہ کیا۔آئی جی پنجاب ڈاکٹر عثمان انور نے سہالہ ٹریننگ کالج میں زیر تربیت پولیس افسران سے خطاب کرتے ہوئے کہا کہ عظیم قومیں عظیم لوگوں سے بنتی ہیں، انسان ہی اچھا ادارہ بناتا ہے، اچھا انسان اور پروفیشنل بنانے کے لیے جدید سلیبس پر مشتمل ٹریننگ کا اہم کردار ہے۔ راولپنڈی سمیت مزید کئی شہروں میں سیف سٹی منصوبے کا آغاز کر رہے ہیں۔آئی جی پنجاب نے بتایا کہ وزیراعلی پنجاب سید محسن نقوی بہت جلد ایک معیاری اور جدید سہولیات سے مزین خدمت سنٹر کا افتتاح کریں گے۔پولیس کی تمام سروسز کو مزید بہتر بنا رہے ہیں،اصلاحات اور ویلفیئر کا یہ سلسلہ جاری رہے گا۔پبلک سروس ڈلیوری اور سمارٹ پولیسنگ کے لئے فورس کی بہترین ٹریننگ اشد ضروری ہے اس موقع پر کمانڈنٹ پولیس ٹریننگ کالج سہالہ اشفاق احمد خان اور سینئر افسران موجود تھے۔
بعدازاں آئی جی پنجاب نے پولیس اسٹیشنز سول لائنز، صدر بیرونی اور ایس ڈی پی او صدر آفس کا دورہ کیا۔آر پی او راولپنڈی سید خرم علی، سی پی او سید خالد ہمدانی اور دیگر سینئر افسران و اہلکار ان کے ہمراہ تھے۔آئی جی پنجاب نے فرنٹ ڈیسک، ایس ایچ او،انچارج انوسٹی گیشن رومز سمیت تھانوں کے مختلف شعبوں، حوالات، ویٹنگ ایریاز کا جائزہ لیا۔ آئی جی پنجاب ڈاکٹر عثمان انور نے کہا کہ شہریوں کی سہولت کے لئے صوبہ بھر میں سپیشل انیشئیٹو پولیس اسٹیشنز پراجیکٹ (SIPS) کے تحت تھانوں کی اپ گریڈیشن کی جا رہی ہے،تھانوں میں شہریوں کو جدید سہولیات، صاف ستھرا ماحول فراہم کرنے کے لئے تمام وسائل بروئے کار لائے جا رہے ہیں۔تھانوں میں سروس ڈیلیوری، آئی ٹی بیسڈ بہترین سہولیات کی فراہمی یقینی بنائی جا رہی ہیں۔تمام تھانوں میں جرائم کی نوعیت کے مطابق پولیس کاروائی یقینی بنانے کے ٹائم لائنز مقرر کی گئی ہیں،آئی جی پنجاب نے ہدایات جاری کرتے ہوئے کہا کہ چوری ڈکیتی رابری سمیت جرائم برخلاف پراپرٹی معاملات میں مقدمات کا فوری اندراج یقینی بنائیں،کمپلینٹ مینجمنٹ سسٹم 1787 کے ذریعے شہریوں کی شکایات کے ازالے اور انصاف کی فراہمی میں حائل اہلکاروں کے خلاف ایکشن لیا جا رہا ہے،آر پی او اور سی پی او راولپنڈی سپیشل انیشئیٹو پولیس اسٹیشنز کے تحت سہولیات کی بروقت فراہمی یقینی بنائیں۔
