اسلام آباد(ٹی این ایس) نواز شریف کی فلیگ شپ ریفرنس میں بریت کا تحریری فیصلہ جاری

 
0
160

 اسلام آباد ہائی کورٹ نے سابق وزیر اعظم میاں محمد نواز شریف کی فلیگ شپ ریفرنس میں بریت کے خلاف نیب اپیل خارج کرنے کا مختصر تحریری فیصلہ جاری کردیا۔

چیف جسٹس عامر فاروق اور جسٹس میاں گل حسن اورنگ زیب پر مشتمل ڈویژن بنچ کے جاری تحریری فیصلے میں کہا گیا ہے کہ نیب کے اسپیشل پراسیکیوٹر نے کہا ہے کہ انہیں اپیل واپس لینے کی ہدایات ہیں، نیب کی جانب سے اپیل واپس لینے کی استدعا منظور کی جاتی ہے، نیب کے اسپیشل پراسیکیوٹر اظہر مقبول کی جانب سے اپیل واپس لینے کی استدعا کی گئی تھی چنانچہ عدالت نے نیب اپیل واپس لینے کی بنیاد پر خارج کردی۔واضح رہے کہ احتساب عدالت اسلام آباد نے فلیگ شپ ریفرنس میں نواز شریف کو بری کردیا تھا جس کے خلاف نیب نے اسلام آباد ہائی کورٹ میں اپیل دائر کی تھی۔