اسلام آباد ستمبر 9 (ٹی این ایس):پیپلزپارٹی کے رہنما اور صوبائی وزیر صنعت منظور وسان نے پیش گوئی کی ہے کہ آئندہ دو ماہ بہت اہم ہیں ،سب کا احتساب ہونے والا ہے۔
ایک بیان میں منظور وسان کا کہنا تھا کہ پی ٹی آئی میں صفائی ہوگی۔ آئندہ انتخابات سے قبل تحریک انصاف کی قیادت عمران خان کی جگہ کوئی اور سنبھالے گا۔
منظور وسان نے کہا کہ آئندہ انتخابات میں وفاق میں مشترکہ حکومت ہوگی اور پی ٹی آئی وفاق میں حکومت نہیں بنا پائے گی، اگر عام انتخابات میں پی ٹی آئی جیتی تو بھی وزیراعظم عمران خان نہیں ہوں گے۔
پی پی رہنما کا کہنا تھا کہ سندھ میں پی ٹی آئی کا کوئی مستقبل نہیں ہے، پی پی پی سے جانے والے کچھ واپس آئیں گے۔
