دوسری طرف پی ڈی ایم اے کا کہنا ہے کہ گزشتہ 24 گھنٹوں کے دوران بارشوں کے باعث پنجاب بھر میں کوئی جانی نقصان نہیں ہوا، رواں سال مون سون بارشوں کے دوران حادثات میں 151 شہری جاں بحق اور 538 زخمی ہوئے، پیر سے شروع ہونیوالے مون سون کے پانچویں سلسلے کے باعث دریاں اور ندی نالوں میں طغیانی کا خدشہ ہے۔پراونشل ڈیزاسٹر مینجمنٹ اتھارٹی نے وزیراعلی پنجاب مریم نواز کی ہدایت پر مون سون فیکٹ شیٹ جاری کردی، جس کے مطابق گزشتہ 24 گھنٹوں کے دوران لاہور، مری، قصور اور اوکاڑہ میں بارش ہوئی، البتہ بارشوں سے کوئی جانی نقصان نہیں ہوا۔پی ڈی ایم اے فیکٹ شیٹ کے مطابق رواں سال مون سون بارشوں سے اب تک پنجاب میں 151 شہری جاں بحق اور 538 زخمی ہوئے۔
رپورٹ میں بتایا گیا ہے کہ آئندہ 24 گھنٹوں کے دوران پنجاب میں موسم گرم اور مرطوب رہنے کے ساتھ کہیں کہیں ہلکی بارش کا امکان ہے، مون سون بارشوں کا پانچواں سلسلہ 28 جولائی سے شروع ہوگا، اس کے باعث پنجاب کے دریاں اور ندی نالوں میں طغیانی کا خدشہ ہے۔پی ڈی ایم اے کے مطابق وزیراعلی پنجاب مریم نواز کی ہدایت پر صوبہ بھر کی انتظامیہ اور متعلقہ محکموں کو الرٹ جاری کردیا گیا ہے۔
