اسلام آباد (24 ستمبر 2025)(ٹی این ایس)– وفاقی وزیر قانون و انصاف سینیٹر اعظم نذیر تارڑ سے آج راولپنڈی بار ایسوسی ایشن کے ایک وفد نے ملاقات کی۔
ملاقات کے دوران وفد نے وزیرِ قانون کو وکلا اور بار ایسوسی ایشن کے اہم مسائل سے آگاہ کیا۔ اس موقع پر بار کی تزئین و آرائش اور اپ گریڈیشن منصوبوں پر بھی تبادلہ خیال ہوا۔ بالخصوص خواتین وکلا کے لیے بار رومز کی مرمت و تزئین اور ٹرانسپورٹ سمیت دیگر سہولتوں کی فراہمی کے حوالے سے تجاویز پیش کی گئیں۔
وفاقی وزیر قانون و انصاف نے وفد کو یقین دلایا کہ بار کے انفراسٹرکچر اور وکلا کی فلاح و بہبود کے لیے وزارتِ قانون و انصاف مکمل تعاون فراہم کرے گی۔
اس موقع پر بیریسٹر عقیل، وزیرِ مملکت برائے قانون و انصاف بھی موجود تھے جنہوں نے وکلا برادری کے مسائل کے حل کے لیے حکومت کی جانب سے ہر ممکن تعاون کی یقین دہانی کرائی
