اسلام آباد (ٹی این ایس) اسپیکر قومی اسمبلی سردار ایاز صادق کی قیادت میں اعلی سطح پارلیمانی وفد 19تا 21جنوری کو چین کا تین روزہ دورہ کرے گا۔ترجمان قومی اسمبلی کے مطابق اسپیکر قومی اسمبلی کا دور چین چیئرمین اسٹینڈنگ کمیٹی آف نیشنل پیپلز کانگریس ژا لی جی کی دعوت پر ہو رہا ہے، سال 2026 میں اسپیکر قومی اسمبلی کا یہ چین کا پہلا سرکاری سطح کا دورہ ہوگا،پاکستان اور چین سفارتی تعلقات کے 75 سال مکمل ہونے پر رواں سال خصوصی تقریبات منعقد کریں گے،پاکستان اور چین نے پاک چین تعلقات کی 75ویں سالگرہ شایانِ شان انداز میں منانے کا اعلان۔
ترجمان قومی اسمبلی کے مطابق دورہ چین کے موقع پر پاکستانی پارلیمانی وفد کی چینی پارلیمانی و سیاسی قیادت سے اہم ملاقاتیں متوقع ہیں، دورہ چین میں دوطرفہ پارلیمانی تعاون اور تعلقات کے فروغ پر تبادلہ خیال کیا جائے گا، وفد میں اراکین قومی اسمبلی رومینہ خورشید عالم کنوینر پاک-چین فرینڈ شپ گروپ، محمد نعمان، زیب جعفر اور مولانا عبدالغفور حیدری شامل ہیں۔ اسپیکر قومی اسمبلی کا پارلیمانی وفد کے ہمراہ دورہ چین دونوں ممالک کے مابین دوطرفہ تعلقات کو مزید مضبوط بنانے اور پارلیمانی تعاون کے فروغ میں اہم سنگ میل ثابت ہو گا۔
