راولپنڈی (ٹی این ایس) حکومتِ پنجاب کا اہم اور تاریخی فیصلہ
حکومتِ پنجاب نے لینڈ ریکارڈ کے نظام میں شفافیت لانے کے لیے ایک بڑا فیصلہ کیا ہے، جس کے تحت پٹواریوں، اسسٹنٹ کمشنرز اور دیگر متعلقہ افسران کے بعض اختیارات واپس لے لیے گئے ہیں۔
اب درج ذیل امور واضح طور پر نافذ ہوں گے:
بغیر تحریری اور قانونی دستاویز کے کوئی انتقال درج نہیں کیا جائے گا۔
عدالتی حکم کے بغیر وراثت کا انتقال ممکن نہیں ہوگا۔
رجسٹری کے بغیر کسی بھی قسم کا انتقال درج نہیں کیا جائے گا۔
کسی گواہ کی ضرورت نہیں ہوگی۔
نیا طریقۂ کار
تمام انتقالات سب رجسٹرار یا ای سہولت مرکز کے ذریعے کیے جائیں گے۔
فردِ بیع کے حصول کے بعد ہی انتقال درج کیا جائے گا۔
یہ اقدام عنوانِ ملکیت میں شفافیت، بدعنوانی کے خاتمے اور عوام کو سہولت فراہم کرنے کے لیے ایک اہم اور انقلابی قدم ہے۔
