اسلام آباد (ٹی این ایس) (عباس بیگ مرزا) بنگلہ دیش اور پاکستان کی مثال دو جسم اور ایک روح کی سی ہے پاکستان کی تخلیق میں بنگالی مسلمانوں کا ایک کلیدی کردار تھا۔ اس لئے پاکستان اور بنگلہ دیش کی نظریاتی ہم آہنگی اور دو قومی نظریے پر مصمم یقین کو ہندوستان اپنی عسکری طاقت کے بل بوتے پر توڑنے میں بری طرح ناکام رہا ان خیالات کا اظہار پاکستان ایکس سروس مین سوسائٹی کے مرکزی صدر سینیٹر لیفٹینیٹ جنرل عبدالقیوم ملک(ر) نے بنگلہ دیش کی آرمڈ فورسز ڈے کی تقریب میں شرکت کے بعد صحافیوں سے گفتگو میں کیا
اس تقریب میں ایچ آئی ٹی کے چیرمین لفٹینیٹ جنرل شاکر مہمان خصوصی تھے۔ جنرل عبدالقیوم بنگلہ دیش ، سری لنکا اور نیپال کی خاتون ہائی کمشنر سے بھی ملے سری لنکن ہائی کمشنر نے جنرل عبدالقیوم کے بطور چیرمین پی او ایف سری لنکا کی افواج کی تامل ٹیریرسٹس کو شکست دینے کیلئے بر وقت مدد کا خصوصی شکریہ بھی ادا کیا
