مسلمان ہونے کیلئے نعرہ کی نہیں عمل کی ضرورت ہے ٗ ہر بنیاد پرست دہشت گرد نہیں اور ہر دہشت گرد بنیاد پسند نہیں ہوتا ٗ میجر جنرل آصف غفور کا خطاب

کراچی اکتوبر 12(ٹی این ایس)ڈی جی آئی ایس پی آر میجر جنرل آصف غفور نے کہاہے کہ مجھے کسی کو ثبوت نہیں دینا کہ میں مسلمان ہوں کیونکہ یہ میرا اور اللہ کا معاملہ ہے جب کہ مسلمان ہونے کیلئے نعرہ لگانے کی ضرورت نہیں عمل سے ثابت کریں۔جامعہ کراچی میں تقریب کے دوران طلبا سے خطاب میں ڈی جی آئی ایس پی آر نے کہا کہ میری خوش قسمتی ہے کہ جامعہ کراچی آیا ہوں ٗ یہاں آکر لگا کہ خواتین کی یونیورسٹی آیا ہوں۔انہوں نے کہا کہ بنیاد پرستی کی مختلف اقسام ہوتی ہیں ٗ میں بھی بنیاد پرست ہوں، مغرب ممالک اور بھارتی بھی بنیاد پرست ہیں لیکن ہر بنیاد پرست دہشت گرد نہیں اور ہر دہشت گرد بنیاد پسند نہیں ہوتا۔ڈی جی آئی ایس پی آر نے کہا کہ میں چاہوں گا کہ سب دنیا کو میری نظر سے دیکھیں تو میں بنیاد پرست نہیں انتہا پسند کہلاؤں گا ٗ جب میں دوسروں کو اپنے نظریات ماننے پر مجبور کروں تو تشدد پسند یا دہشت گرد کہلاؤں گا۔انہوں نے کہا کہ پاکستان اللہ کا تخلیق کردہ سب سے خوبصورت ملک ہے، جغرافیائی لحاظ سے بھی پاکستان کی اہمیت سب سے زیادہ ہے، کسی بھی ملک کو تباہ کرنے کیلئے اس کی سیکیورٹی فورسز کو نشانہ بنایا جاتا ہے