کوئٹہ،نومبر 21 (ٹی این ایس): تربت کے علاقے ردبین میں سیکیورٹی فورسز نے کارروائی کرتے ہوئے16 غیر ملکیوں سمیت 18افراد کو بازیاب کرایا ہے۔
سیکیورٹی ذرائع کے مطابق کارروائی کے دوران 2 مشتبہ افراد کو گرفتار بھی کیا گیا ہے جن کے قبضے سے اسلحہ برآمد ہوا ہے۔
سیکیورٹی ذرائع کا مزید کہنا ہے کہ بازیاب کرائے گئے غیر ملکیوں میں 15 نائیجیرین اور 1 یمنی باشندہ شامل ہے۔ بازیاب کرائے گئے تمام افراد کو غیر قانونی طور پر یورپ بھجوایا جا رہا تھا۔
