بظاہر یہی لگتا ہے کہ زرغون روڈ پر چرچ کو نشانہ بنایا گیا : سرفراز بگٹی

کوئٹہ دسمبر 17 (ٹی این ایس) وزیر داخلہ بلوچستان سرفراز بگٹی نے کہا ہے کہ بظاہر یہی لگتا ہے کہ زرغون روڈ پر چرچ کو نشانہ بنایا گیا ہے۔
نجی ٹی وی سے گفتگو کرتے ہوئے وزیر داخلہ بلوچستان نے کہا کہ حملے کے حوالے سے ابتدائی طور پر کچھ نہیں کہا جاسکتا تاہم نوعیت سے یوں ہی لگتا ہے کہ حملہ چرچ پر کیا گیا ہے۔ انہوں نے کہا کہ اس وقت ہم حالتِ جنگ میں ہیں اس لیے ہر وقت سکیورٹی ہائی الرٹ رکھی جاتی ہے لیکن چونکہ کرسمس قریب آرہی ہے اس لیے چرچ کو سپیشل سکیورٹی فراہم کی گئی تھی۔آج اتوار ہونے کی وجہ سے چرچ میں تقریب ہورہی تھی ۔

سرفراز بگٹی نے کہا کہ اینٹی ٹیرارزم سکواڈ سمیت سکیورٹی فورسز کو فوری طور پر جائے وقوعہ پر پہنچنے کا حکم دے دیا گیا ہے۔