لاہور جنوری 23 (ٹی این ایس)پاکستان اور نیوزی لینڈ کے درمیان جاری سیریز میں ٹیم کی ناقص پرفارمنس پر ٹیم انتظامیہ نے سینئر بیٹسمین محمد حفیظ کو دوسرے ٹی 20 میچ میں شامل کرنے پر سنجیدگی سے غور شروع کر دیا ۔پہلے میچ میں محمد حفیظ مکمل فٹ تھے تاہم ٹیم انتظامیہ نے محمد حفیظ پر نوجوان کھلاڑیوں کو ترجیح دی، تاہم پہلے میچ میں پلان ناکام ہونے کے بعد اب ٹیم انتظامیہ کی نظریں ایک بار پھر محمد حفیظ پر مرکوز ہیں۔ذرائع کے مطابق نیوزی لینڈ کے دورے میں ٹیم انتظامیہ کی تمام تدبیریں ناکام ہوگئی ہیں، تاہم کسی کھلاڑی کا ٹیم انتظامیہ سے کوئی اختلاف نہیں ہے اور تمام لوگ ایک صفحے پر ہیں۔سلیکشن کے معاملات میں پاور کوری ڈور کپتان سرفراز احمد اور ہیڈ کوچ مکی آرتھر کے پاس ہے۔دوسری جانب شعیب ملک نیوزی لینڈ سے دبئی پہنچ گئے اور مکمل آرام کرنے کے بعد ایک ہفتے بعد وطن واپس لوٹیں گے۔
