اسلام آباد فروری 3(ٹی این ایس)عوامی مسلم لیگ کے سربراہ رکن قومی اسمبلی شیخ رشید احمد نے کہا ہے کہ وہ ایل این جی کیس کو سپریم کورٹ میں بے نقاب کر نے جا رہے ہیں ٗنواز شریف ‘ دانیال ‘ طلال اور نہال سب بد حال اور جیل کا مال ہیں ‘ نواز شریف خود آمر کی پیداوار ہیں ۔ ہفتہ کو سپریم کورٹ کے باہر میڈیا سے بات چیت کرتے ہوئے عوامی مسلم لیگ کے سربراہ شیخ رشید نے کہا کہ ایل این جی کا کیس قوم سے وعدہ تھا ٗ ایل این جی کیس کو سپریم کورٹ میں بے نقاب کرنے جا رہے ہیں ٗاین ایل جی کیس کی دستاویزات نکالنا کوئی آسان کام نہیں تھا ٗایل این جی کے کمیشن میں کون کون ملوث ہے سب بے نقاب ہوں گے۔ انہوں نے کہاکہ دانیال ‘ طلال نہال بد حال اور جیل کا مال ہیں۔ حکمرانوں نے کمیشن کھانے کیلئے گیس اور بجلی مہنگی کر دی ہے ٗنواز شریف خود آمر کی پیداوار ہے اور آج ان کو گالیاں نکال رہا ہے۔ نوا زشریف کو جسٹس قیوم اور جنرل بٹ چاہیے۔ یہ سپریم کورٹ سیاست میں ایسا تابوت ٹھوکے گی کہ ان کو قیامت تک یاد رہے گا۔
