اسلام آباد مارچ 23(ٹی این ایس)یوم پاکستان کے موقع پر مسلح افواج کی مشترکہ پریڈ کے دوران صدر مملکت ممنون حسین پورے دستے کے پروٹوکول میں صدارتی بگھی میں بیٹھ کرسلامی کے چبوترے پر پہنچے۔ جمعہ کو یوم پاکستان پریڈ کے موقع پر صدر مملکت ممنون حسین روایتی انداز میں گھڑ سوار دستے کے حصار میں پریڈ گراؤنڈ پہنچے۔ مسلح افواج کے سربراہان نے صدر مملکت کا استقبال کیا ٗاس موقع پر قومی ترانہ بجایا گیا اور انہیں سلامی دی گئی۔ سلامی کے بعد جیپ میں سوار صدر مملکت نے پریڈ میں حصہ لینے والے مسلح افواج کے دستوں کا معائنہ کیا۔