دمشق، مارچ 31(ٹی این ایس):داعش نے لیبیا میں ہوئے کار خود کش حملے کی ذمہ داری قبول کر لی ہے۔ غیرملکی خبررساں ادارے کے مطابق اس شدت پسند گروہ کی طرف سے کہا گیا کہ دوروز قبل کیے گئے اس حملے میں سکیورٹی فورسز کو نشانہ بنایا گیا ۔ مشرقی لیبیا میں کی گئی اس خونریز کارروائی کے نتیجے میں چھ افراد ہلاک جبکہ متعدد زخمی ہو گئے تھے۔ بتایا گیا ہے کہ اس حملے کے نتیجے میں ہلاک ہونے والوں میں شہری بھی شامل تھے۔
