تہران مئی 1(ٹی این ایس)ایران نے کہا ہے کہ امریکا عالمی جوہری ڈیل سے دستبرار ہوتا ہے تو وہ یورنیم کی زیادہ افزودگی کا عمل بحال کر دے گا۔غیرملکی خبررساں ادارے کے مطابق ایرانی جوہری توانائی کے ادارے کے سربراہ علی اکبر صالحی نے کہا کہ ماضی کے مقابلے میں اب ایران کی یورنیم کی اعلی افزودگی کی تکنیکی صلاحیت بہتر ہو چکی ہے۔ امریکی صدر ڈونلڈ ٹرمپ نے اپنے یورپی اتحادیوں کو بارہ مئی کا وقت دیا ہے کہ وہ2015 میں طے پانے والی اس ڈیل کی خامیوں کو دور کرے ورنہ امریکی حکومت اس سے دستبردار ہو جائے گی۔
