ملک کے کسی بھی حصے میں فورس لوڈشیڈنگ نہیں کی جارہی ہے ٗ ترجمان توانائی ڈویژن 

اسلام آباد مئی 2(ٹی این ایس)ترجمان توانائی ڈویژن نے کہا ہے کہ ملک کے کسی بھی حصے میں فورس لوڈشیڈنگ نہیں کی جارہی ہے ٗ بجلی کا شارٹ فال 3032 میگاواٹ تک پہنچ گیا ہے۔ترجمان توانائی ڈویڑن نے دعویٰ کرتے ہوئے کہا کہ ملک میں بجلی کی پیداوار، طلب و رسد کی صورتحال کے مطابق ملک میں کسی بھی جگہ جبری لوڈشیڈنگ نہیں کی جارہی ہے، 10 فیصد خسارے والے 61 فیصد فیڈرزپرلوڈشیڈنگ صفرہے۔ترجمان توانائی ڈویژن نے کہا کہ بجلی کی طلب 18 ہزار432 میگاواٹ، پیداوار15 ہزار400 میگاواٹ ہے جس کے بعد بجلی کا شارٹ فال 3 ہزار32 میگاواٹ تک پہنچ گیا ہے ٗ یہ شارٹ فال پاورپلانٹس کی ٹیسٹنگ اورٹرپنگ کے باعث ہے۔ چشمہ تھری پاورپلانٹ بھی قومی گرڈ سے منسلک کردیا گیا ہے۔