اسلام آباد مئی 9(ٹی این ایس)عالمی کالعدم دہشتگرد تنظیم جماعت الاحرار کے امیر عمر خالد خراسانی عرف عبدالولی پر اقوام متحدہ میں پابندی کی پاکستان کی تجویز مسترد کر دی ۔ عمر خالدخراسانی پاکستان میں دہشتگردی کے بڑے حملوں میں ملوث ہے ۔تفصیلات کے مطابق عمر خالد خراسانی پر پابندی کی تجویز پاکستان نے اقوام متحدہ سیکیورٹی کونسل میں پہلی مرتبہ 6 جولائی 2017 کو دی تھی ۔ جماعت الاحرار عالمی دہشتگردوں کی فہرست میں شامل ہے اور اس تنظیم پر پابندی عائد ہے ۔سفارتی زرائع کے مطابق عالمی دہشتگرد کالعدم تنظیم کے سربراہ پر پابندی عائد نام کرنا حیران کن ہے ۔ عمر خالد خراسانی پر پابندی عائد کرنے کی پاکستان کی تجویز 4 مئ 2018 میں مسترد کر دی گئی ۔ عالمی برادری اصولوں پر فیصلے کرے اور ایسے حساس معاملات میں سیاست کرنے سے گریز کرے ۔ جماعت الاحرار پر پابندی مگر امیر پر پابندی کو مسترد کرنا عالمی برادری کے دوہرے معیار کا عکاس ہے ۔ پاکستان اس ناکامی کے باوجود دوبارہ عمر خالد خراسانی پر پابندی کے لیے دوبارہ کوشش کرے گا ۔عمر خالد خراسانی 27 مارچ 2016 میں لاہور میں ایسٹر حملے میں ملوث ہے ۔ عمر خالد خراسانی 13 فروری 2017 میں لاہور مال روڈ پر ایس ایس پی اور ڈی آئی جی پر حملے اور قتل میں بھی ملوث ہے ۔ پاکستان نے عمر خالد خراسانی کو اقوام متحدہ کی 1267 کمیٹی میں شامل کرنے کی درخواست دی تھی ۔ پاکستان کا عمر خالد خراسانی پر پابندی کی تجویز مسترد کرنے پر شدید مایوسی کا اظہار کیا ۔
