آئندہ عام انتخابات میں سیکیورٹی فیچرز والے واٹر مارک بیلٹ پیپر استعمال کیے جائیں گے  جن کے لئے مخصوص کاغذ فرانس اور برطانیہ سے درآمد کیا گیا

اسلام آباد، مئی 10(ٹی این ایس): انتخابات 2018 کی تیاریوں سے متعلق ٹی این ایس کو معلوم ہوا ہے کہ بیلٹ پیپر کی چھپائی مخصوص کاغذ پر ہوگی اور اس مقصد کے لئے الیکشن کمیشن نے واٹر مارک بیلٹ پیپپرز کی چھپائی کے لیے مخصوص کاغذ منگوا لیاہے۔

ذرائع کے مطابق عام انتخابات میں سیکیورٹی فیچرز والے واٹر مارک بیلٹ پیپر استعمال کیے جائیں گے.اور ان بیلٹ پیپپرز کی چھپائی کے لیے مخصوص کاغذ، پرنٹنگ کارپوریشن آف پاکستان کے ذریعے منگوایا گیا ہے۔بیلٹ پیپر کا مخصوص کاغذ فرانس اور برطانیہ سے درآمد کیا گیا۔

 ذرائع کے مطابق  بیلٹ پیپر کی چھپائی پر1 ارب سے زائد اخراجات آئیں گے،عام انتخابات میں 21 کروڑ کے قریب بیلٹ پیپر چھاپے جائیں گے جن کی مکمل تیاری پر 2 ارب سے زائد کے اخراجات ہوں گے۔

 واٹر مارک بیلٹ پیپر قومی اسمبلی کے لیے سبز، صوبائی اسمبلی کے لیے سفید ہو گا۔