خضدارمئی 12(ٹی این ایس): صوبہ بلوچستان کے ضلع خضدار میں تیزرفتاری کے باعث کوچ الٹ گئی جس کے نتیجے میں 5 افراد جاں بحق جبکہ 35 زخمی ہوگئے۔تفصیلات کے مطابق خضدار میں قومی شاہراہ کے قریب زاوہ کے مقام پرتیزرفتاری کے باعث مسافرکوچ الٹنے سے 5 افراد جان کی بازی ہار گئے۔لیویز ذرائع کے مطابق حادثے میں زخمی ہونے والے افراد کو فوری طور پرطبی امداد کے لیے اسپتال منتقل کردیا گیا ہے، زخمیوں میں خواتین اور بچے بھی شامل ہیں۔لیویز ذرائع کا کہنا ہے حادثے کا شکارہونے والی مسافرکوچ کراچی سے کوئٹہ جا رہی تھی کہ خضدار میں قومی شاہراہ کے قریب زاوہ کے مقام پرتیزرفتاری کے باعث الٹ گئی۔خیال رہے کہ رواں سال یکم فروری کو بلوچستان کے علاقے لک پاس میں کوچ اور کار کے درمیان تصادم کے نتیجے میں 4 مسافرجاں بحق اور 10 زخمی ہو گئے تھے، حادثہ تیز رفتاری کے باعث پیش آیا تھا۔یاد رہے کہ گزشتہ سال 7 اکتوبرکو صوبہ بلوچستان میں کے علاقے دشت میں بس اور وین کے درمیان تصادم کے نتیجے میں 14 افراد جاں بحق جبکہ 27 زخمی ہوگئے تھے
