عمران خان خود اسلام آباد، بنوں، میانوالی ، لاہور اور کراچی کی این اے، 53، 35، 95 , 131 اور 243 سے انتخاب میں حصہ لیں،
جانتاہوں جن کوٹکٹ نہیں ملےان کومایوسی ہوئی ہوگی بڑےخواب کوپوراکرنےکیلئےہمارےساتھ چلیں: عمران خان
اسلام آباد، جون 08 (ٹی این ایس): عام انتخابات کیلئےتحریک انصاف کےامیدواروں کی فہرست جاری کردی ہے۔ قومی اسمبلی کے173حلقوں کیلئےامیدواروں کی نامزدگی کاعمل مکمل کر لیا گیا ہے۔
فہرست کے مطابق چیئرمین تحریک انصاف عمران خان اسلام آباد، بنوں، میانوالی ، لاہور اور کراچی کی این اے، 53، 35، 95 , 131 اور 243 سے انتخاب میں حصہ لیں گے،شاہ محمود قریشی این اے 156 ملتان سے میدان میں اتریں گے ،فواد چوہدری این اے 67 جہلم سے مقابلہ کریں گے، پرویز خٹک اور مراد سعید بالترتیب این اے 25 نوشہرہ اور این اے 4 سوات سے تحریک انصاف کے امیدوار ہوں گے،عبدالعلیم خان این اے 129 لاہور میں محاذ سنبھالیں گے،غلام سرور خان راولپنڈی کے دو حلقوں این اے 59 اور 63 سے مقابلہ کریں گے، عامر محمود کیانی این 61 راولپنڈی سے میدان میں اتریں گے ،ڈاکٹر یاسمین راشد این اے 125 لاہور اور اعجاز چوہدری این اے 133 لاہور سے انتخاب لڑیں گے ،شفقت محمود این اے 130 لاہور سے میدان میں اتریں گے ،عثمان ڈار این اے 73 سیالکوٹ سے تحریک انصاف کے امیدوار ہوں گے۔
صوبائی اسمبلیوں کے 290 امیدواروں کے نام بھی جاری کر دئے گئے ہیں جن کے مطابق خیبر پختونخوا میں صوبائی اسمبلی کے 81 امیدواروں کو ٹکٹس جاری کئے گئے،سندھ کے فی الحال 21 حلقوں کیلئے امیدواروں کی نامزدگیوں،بلوچستان اسمبلی کے 23 حلقوں کیلئے امیدواروں کا اعلان کیا گیا جبکہ پنجاب کے 165 حلقوں کیلئے پارٹی ٹکٹس جاری کردئے گئے۔
اس موقع پر تحریک انصاف کے چئیرمین عمران خان نے کہا کہ آج میری سربراہی میں پارلیمانی بورڈنےٹکٹس کااعلان کردیاپارٹی ٹکٹس کی تقسیم کامرحلہ بہت مشکل تھاجانتاہوں جن کوٹکٹ نہیں ملےان کومایوسی ہوئی ہوگی بڑےخواب کوپوراکرنےکیلئےہمارےساتھ چلیں۔
فہرستیں درجہ ذیل ہیں
