راولپنڈی جون 27 (ٹی این ایس)صاف پانی کیس میں کرپشن کے الزام میں گرفتار مسلم لیگ ن کے امیدوار قمر الاسلام کا 12 سالہ بیٹاسالارالاسلام اپنی بہن اور ن لیگ کے کارکنوں کے ساتھ راولپنڈی کچہری پہنچ گیا،اس موقع پر مسلم لیگ کے کارکنوں نے گو نثار گو کے نعرے بھی لگائے۔میڈیا سے گفتگو کرتے ہوئے سالار الاسلام نے کہا کہ میرے والد لاہور ٹکٹ وصول کرنے گئے تھے، نیب نے میرے والدکوبتایا کہ آپ سے بات کرنی ہے،6 گھنٹے لاہورنیب آفس کے باہرکھڑا رہا،سالار الاسلام کا کہناتھا کہ راولپنڈی سے فون پرمجھے بتایاگیاکہ ابوکو گرفتار کرلیا گیا ہے۔سالار الاسلام نے کہا کہ مجھے میاں نوازشریف اور میاں شہبازشریف نے پیغام بھجوایا ہے کہ اپنی مہم بھرپور انداز میں چلائیں اور کسی بھی رکاوٹ کو مدنظر نہ رکھا جائے ۔
