شاہد خاقان عباسی نے انٹرویو میں فیصلے سے متعلق عدالت کے خلاف توہین آمیز کلمات کہے ٗدرخواست گزار کا موقف
راولپنڈی جون 29(ٹی این ایس )لاہور ہائی کورٹ راولپنڈی بنچ نے سابق وزیراعظم شاہدخاقان عباسی کیخلاف توہین عدالت کیس کی درخواست سماعت کے لیے منظور کرلی ۔ جمعہ کو لاہور ہائی کورٹ راولپنڈی بنچ کے جسٹس طارق محمود عباسی نیدرخواست سماعت کے لیے منظور کر لی ٗدرخواست کی سماعت منگل کو لاہور ہائی کورٹ راولپنڈی بنچ میں ہوگی۔درخواست گزار نے موقف اختیار کیا کہ سابق وزیر اعظم شاہد خاقان عباسی نے انٹرویو میں فیصلے سے متعلق عدالت کے خلاف توہین آمیز کلمات کہے۔درخواست میں شاہد خاقان، چیئرمین پیمرا ور سیکریٹری وزارت اطلاعات و نشریات کو فریق بنایا گیا ہے۔
