نئی دہلی /اسلام آباد جون 29(ٹی این ایس )پاکستانی شہریوں کی جانب سے سوئس بینکوں میں رقوم رکھنے کی شرح میں نمایاں کمی واقع ہوئی ہے۔بھارتی میڈیا نے اپنی رپورٹ میں دعویٰ کیا کہ سوئس بینکوں میں پاکستانی شہریوں کے اکاؤنٹس میں رکھی جانے والی رقم میں 21 فیصد کمی آئی ہے۔رپورٹ کے مطابق کمی کے باوجود سوئس بینکوں میں پیسہ رکھنے میں پاکستانی شہری بھارتیوں سے آگے ہیں اور مسلسل تیسرے سال پاکستانیوں نے سوئس بینکوں میں بھارتیوں سے زیادہ رقم رکھوائی۔سوئس نیشنل بینک کے اعداد و شمار کے مطابق سال 2017 میں پاکستانیوں نے سوئس بینکوں میں 770 ارب روپے کے مساوی رقم رکھوائی۔
