شہر میں 633 پولنگ بلڈنگز اور 991 پولنگ بوتھ نارمل قرار دیئے گئے ہیں ٗ سیکیورٹی پلان
کراچی05جولائی (ٹی این ایس)شہر میں عام انتخابات کے سیکیورٹی پلان کو حتمی شکل دے دی گئی ہے اور شہر میں الیکشن کے روز 32 ہزار 849 اہلکار تعینات ہوں گے۔عام انتخابات کیلئے کراچی کے 565 پولنگ بلڈنگز انتہائی حساس، 1430 حساس قرار ٗ 1181 پولنگ اسٹیشنز انتہائی حساس اور 2670 کو حساس قرار دیا گیا ہے۔سیکیورٹی پلان کے مطابق 32 ہزار 849 اہلکار الیکشن کے روز تعینات ہوں گے ٗ 10 ہزار قومی رضاکار یا سیکیورٹی گارڈز کی خدمات لی جاسکتی ہیں۔سیکیورٹی پلان میں ضلع شرقی میں 112 پولنگ بلڈنگز اور 254پولنگ اسٹیشنز انتہائی حساس قرار ٗ 117 پولنگ بلڈنگز اور 220 پولنگ اسٹیشنز حساس قرار دیے گئے ہیں۔ضلع ملیر میں 18 پولنگ بلڈنگز اور 24 پولنگ اسٹیشنز انتہائی حساس قرار ٗ 105 پولنگ بلڈنگز اور 138 پولنگ اسٹیشنز کو حساس قرار دیا گیا ہے۔ضلع کورنگی میں 138 پولنگ بلڈنگز اور 262 پولنگ اسٹیشنز انتہائی حساس قرار جبکہ ضلع کورنگی کی 206 پولنگ بلڈنگز اور 363 پولنگ اسٹیشنز حساس قرار دیئے گئے۔ضلع وسطی میں 63 پولنگ بلڈنگز اور 223 پولنگ اسٹیشنز انتہائی حساس قرار ٗ ضلع وسطی کی 278 پولنگ بلڈنگز اور 747 پولنگ اسٹیشنز کو حساس قرار دیا گیا۔ضلع غربی میں 123 پولنگ بلڈنگز اور 215 پولنگ اسٹیشنز انتہائی حساس قرار ٗ ضلع غربی کی 440 پولنگ بلڈنگز اور745 پولنگ اسٹیشنز حساس قرار دیئے گئے ہیں۔ضلع جنوبی کی تمام پولنگ بلڈنگز اور پولنگ اسٹیشنز انتہائی حساس اور حساس قرار دیئے گئے ہیں۔ضلع سٹی میں 84 پولنگ بلڈنگز اور 138 پولنگ اسٹیشنز کو انتہائی حساس قرار جب کہ 236 پولنگ بلڈنگز اور 363 پولنگ اسٹیشنز کو حساس قرار دیا گیا ہے۔سیکیورٹی پلان کے مطابق شہر میں 633 پولنگ بلڈنگز اور 991 پولنگ بوتھ نارمل قرار دیئے گئے ہیں۔
