ڈائریکٹر جنرل ایف آئی اے بشیر میمن کے بھائی پی پی مخالف جی ڈی اے کے امیدوار ہیں، ایڈیشنل ڈائریکٹر جنرل ایف آئی اے نجف مرزا کو تفتیشی ٹیم کا سربراہ مقرر کیا گیا ہے جوڈاکٹر ذوالفقار مرزا کے کزن ہیں: میڈیا سے گفتگو
لاڑکانہ، جولائی 23 (ٹی این ایس):ایف آئی اے کیس میں پیپلز پارٹی رہنما فریال تالپور کے وکیل فاروق ایچ نائیک نے کہا ہے کہ ایف آئی اے کے پاس 2015 میں کی گئی منی لانڈرنگ کیس کی انکوائری چل رہی ہے۔
میڈیا سے گفتگو کرتے ہوئے فاروق ایچ نائیک نے کہا کہ 6 جولائی 2018 کو اسٹیٹ بینک سرکل میں مقدمہ درج کر کے منی لانڈرنگ، 420، چیٹنگ، کاغذات میں ردوبدل تبدیل کرنے الزامات عائد کئے گئے تھے،اس کیس کے انکوائری افسر محمد علی ابڑو ہیں۔
الزام ہے کہ سمٹ بینک کے چند بینکرز نے اومنی گروپ کے ملازمین کے ساتھ مل کر اکائونٹ کھولےجن میں تین ارب آئے اور ساڑھے چار ارب نکالے گئے،ڈیڑھ کروڑ کی رقم زرداری گروپ لمیٹڈ سے بھی نکلے ہیں۔
فاروق نائک نے کہا کہ کوئی انکوائری نہیں کی گئی، آصف زرداری کا زرداری گروپ لمیٹڈ میں ایکٹو رول نہیں،آصف زرداری زرداری گروپ کے ڈائریکٹر بھی نہیں ہیں،ایف آئی اے نے فریال تالپور کو بھی نہیں بلایا،صرف یہ 160 سی پی آر سی کے تحت نوٹس بھیجا گیا کہ اگر واقعات کا علم ہو تو تعاون کریں چنانچہ ہم نے ایف آئی اے کو خط لکھا کہ ہر طرح کا تعاون کرنے کو تیار ہیں
انھوں نے کہا کہ ایف آئی اے کی جانب سے فریش نوٹس کا کہا گیا لیکن نہیں بھیجے اور مقدمہ درج کر لیا ،سپریم کورٹ گئے تو انہوں نے واضح کیا کہ آصف زرداری اور فریال تالپور کا نام ای سی ایل میں ڈالنے کا نہیں کہا،ایف آئی اے کے مقدمے میں نامزد دس ملزمان میں آصف زرداری اور فریال کا نام موجود نہیں تھا،یہ کیس انتخابات میں پری پول رگنگ کی واضح مثال ہے
یہ چاہتے ہیں کہ آصف زرداری اور فریال تالپور ہار جائیں۔
فاروق ایچ نائیک نے کہا کہ ڈائریکٹر جنرل ایف آئی اے بشیر میمن کے بھائی پی پی مخالف جی ڈی اے کے امیدوار ہیں،ایڈیشنل ڈائریکٹر جنرل ایف آئی اے نجف مرزا کو تفتیشی ٹیم کا سربراہ مقرر کیا گیا ہے،سب جانتے ہیں کہ نجف مرزا ڈاکٹر ذوالفقار مرزا کے کزن ہیں،نجف مرزا پر 2005 میں آصف زرداری نے مقدمہ درج کروایا تھا،بشیر میمن، نجف مرزا اور محمد علی ابڑو جانبدار ہیں
انھوں نے نگراں حکومت اور سپریم کورٹ سے اسکا نوٹس لیتے ہوئےان تینوں افسران کو ہٹایا جائے جا نے کا مطالبہ کیا اور کہا کہ ایف آئی اے افسران نے سپریم کورٹ کے احکامات کی انحرافی اورتوہین عدالت کی،ایف آئی اے کیس کسی ایماندار افسر کو دیا جائے،ہم کیسز سے بھاگنے والے نہیں ہیں،انتخابات میں مصروف ہیں آج بھی عدالت نے ہماری بات نہیں سنی،10 دن کا وقت مانگا 6 دن کا دیا گیا۔
فاروق نائیک نے کہا کہ آصف زرداری اور فریال تالپور پر دائر مقدمہ جھوٹا ہے،عدالتوں پر دباؤ ہے یا نہیں وقت بتائے گا لیکن ہمیں سپریم کورٹ پر یقین ہے کہ وہ انصاف کرے گی۔
