اسلام آباد اگست 09(ٹی این ایس)تحریک انصاف کے ترجمان فواد چودھری نے دعویٰ کیا ہے کہ قومی اسمبلی میں پی ٹی آئی اوراتحادیوں کی تعداد180سے بڑھ گئی ہے۔پی ٹی آئی کے رہنما فواد چودھری نے سوشل میڈیا پر بیان میں کہا ہے کہ بی این پی مینگل کی حمایت کے بعدارکان کی تعداد میں اضافہ ہوا،342 کے ایوان میں حتمی اکثریت کیلئے172 ارکان کی حمایت درکار ہے۔واضح رہے کہ گزشتہ رات تحریک انصاف اور بلوچستان نیشنل پارٹی کے درمیان مذاکرات ہوئے جس میں پی ٹی آئی قیادت نے بی این پی کے مطالبات پر عملدرآمدکایقین کرایاہے۔سردار اختر مینگل کا کہناتھا کہ بی این پی قومی اسمبلی میں تحریک انصاف کی حمایت کرے گی۔
