اس یوم آزادی پر میرے دل میں امید کا ایک عظیم چراغ روشن ہے، متوقع وزیراعظم کا ملک کے 71ویں جشن آزادی پر پیغام
اسلام آباد اگست 14(ٹی این ایس): متوقع وزیراعظم عمران خان نے 71ویں یوم آزادی کے موقع پر اپنے پیغام میں کہا ہے کہ اس یوم آزادی پر میرے دل میں امید کا ایک عظیم چراغ روشن ہے۔سماجی رابطہ سائٹ ٹوئٹر پر عمران خان نے ایک تصویر شیئر کی اور اپنے پیغام میں کہا کہ اقربا پروری اور بدعنوانی کے باعث ملکی معیشت کو سنگین بحران کا سامنا ضرور ہے تاہم مجھے یقین ہے کہ اگر ہم نے اتحاد کا دامن تھامے رکھا تو منزل پالیں گے اور پاکستان قائد و اقبال کے خوابوں کی تعبیر بنے گا۔
