اسلام آباد ستمبر 11(ٹی این ایس) :وفاقی کابینہ کے6 نئے وزرا نے حلف اٹھا لیا،صدر ڈاکٹر عارف علوی نے نئے وزراسے حلف لیا۔
تفصیلات کے مطابق وفاقی کابینہ میں توسیع کر دی گئی ہے جس کے لئے نئے وزرا کی حلف برداری کی تقریب ایوان صدر میں ہو ئی اور 6نئے وزرا سے صدر ڈاکٹر عارف علوی نے حلف لیا۔ علی محمد خان،عمر ایوب،حیدر علی زیدی نے وفاقی وزیرکے عہدے کا حلف اٹھا لیاجبکہ مراد سعید،محمد شبیرعلی اور محمد حماد اظہر نے وزیر مملکت کے عہدے کا حلف اٹھایا ، وزرا کے محکموں کا اعلان بعد میں کیا جائے گا۔
