راولپنڈی جولائی 14 (ٹی این ایس): آرمی چیف جنرل قمر جاوید باجوہ کے بیٹے پر اربوں روپے کا پلازہ بنانے کا جھوٹا الزام لگانے والے احتشام افغان نے اپنی ٹویٹ ڈیلیٹ کر دی۔ احتشام افغان نامی ٹویٹر ہینڈلر کے اکاوٴنٹ سے آرمی چیف جنرل قمر جاوید باجوہ کے خلاف جھوٹا پروپگنڈہ کیا جا رہا تھا کہ ان کے بیٹے نے لاہور گلبرگ میں 13ارب روپے پلازہ بنایا ہے، ٹویٹ میں کہا گیا ہے کہ یہ پیسا کہاں سے آیا؟ اس حوالے سے ایک صحافی نے ڈی جی آئی پی آر میجر جنرل آصف غفور کی توجہ اس طرف دلائی تو انہوں نے اپنے ٹویٹر پیغام میں کہا کہ وہ اس پروپگنڈہ کے بارے میں سب جانتے ہیں۔
انہوں نے کہا ہے کہ ہم اس پروپگنڈہ کے پیچھے چھپی طاقتوں کو بھی جانتے ہیں اور ہم خود جان بوجھ کر ان جھوٹوں کو نظرانداز کر رہے ہیں۔ سچ سامنے آہی جاتا ہے، ابھی وقت نہیں آیا یا ایسے سمجھیں کہ ہمارے پا س ایسے جھوٹوں کے لیے وقت نہیں ہے۔ انہوں نے کہا کہ جب ضرورت پڑی تو ایسے معاملات کو قانونی طور پہ دیکھا جائے گا۔
We know the agenda. We very well know the forces behind. But as said, we are ignoring lies and liars. Truth always prevail. Time isn’t up as yet or let’s say we don’t have time for such belated lies and liars. Once required, all such will be challenged legally. https://t.co/SrhpqTMSzB
— Asif Ghafoor (@peaceforchange) July 13, 2019
ڈی جی آئی پی آر کی اس ٹویٹ کے بعد اس ٹویٹر اکاوٴنٹ سے متذکرہ ٹویٹ ہٹا دی گئی جس پر میجر جنرل آصف غفور نے دوسری ٹویٹ میں کہا کہ اتنی جلدی ٹویٹ ہٹا دی، کسی ایسے پروپگنڈہ کو کیوں پھیلاتے ہیں جس کو آپ خود اپنا مان نہیں سکتے اور نہ جس کے ساتھ کھڑے ہو سکتے ہیں؟ سوشل میڈیا کا غلط استعمال کیوں کیا جا رہا؟انہوں نے مزید کہا کہ میں اسی لیے کہتا ہوں کہ ہماری یوتھ کی طرح ذمہ داری کا مظاہرہ کریں۔
سوشل میڈیا کا صحیح استعمال کریں۔
So quick a withdrawal? Deleted! Why misuse social media or follow an agenda which one can’t personally own or defend? That’s why I always say, stay responsible like most of our real youth here on social media. pic.twitter.com/ijeqizt0d8
— Asif Ghafoor (@peaceforchange) July 13, 2019
ان ٹویٹس کے بعد احتشام افغان نامی اکاؤنٹ ہی ٹویٹر سے مٹ گیا ہے اور اکاؤنٹ کے مالک نے اپنا اکاؤنٹ ڈیلیٹ کر دیا ہے۔
