سوشل میڈیا پر صارفین کا سی پی او فیصل رانا کو”مرد مجاہد” قرار دے کر انٹرنیشنل ڈارک ویب کا سرغنہ گرفتار کرنے پر خراجِ تحسین
راولپنڈی نومبر 15 (ٹی این ایس): عالمی سطح کے ’’ریپسٹ‘‘ کی گرفتاری نے سی پی او فیصل رانا کو عالمی رینکنگ کا پولیس آفیسر بنا دیا۔ ،حکومت پاکستان اور حکومت پنجاب کی طرف سے بھی سی پی او فیصل رانا کی کمانڈ میں کام کرنے والی راولپنڈی پولیس کی کارکردگی کو نہ صرف سراہا ہے بلکہ اسے خراج تحسین پیش کرتے ہوئے اس کارکردگی کو ’’مثالی اور قابل تقلید‘‘ قرار دینے کا فیصلہ کیا ہے،کیوں کہ پی ٹی آئی کی صوبہ خیبر پختون خواہ کی حکومت نے بھی گرفتار ملزم سہیل ایاز کو انٹرنیشنل ڈارک ویب کا سرغنہ قرار دے کر کنسلٹنٹ کی حیثیت سے اس کی ملازمت کو ختم کر دیا ہے جس سے راولپنڈی پولیس کی ان تمام باتوں پر مہر تصدیق ثبت ہو گئی ہے جو انٹرنیشنل ڈارک ویب کے گرفتار سرغنہ سہیل ایاز کے حوالے سے کی گئی ہیں،بتایا جاتا ہے کہ حکومت پنجاب سی پی او فیصل رانا کی کمانڈ میں ہونے والے اس عالمی سطح کی پولیس کارکردگی کو ’’مثالی اور قابل تقلید‘‘ قرار دینے کا تحریری حکم نامہ جاری کرنے جا رہی ہے۔
سوشل میڈیا پر بھی فیصل رانا کو شاندار خراج تحسین پیش کیا جا رہا ہے۔ایک صارف نے کہا کہ
سلام ہے اس مرد مجاہد کو جس نے راولپنڈی سے اس گینگ مافیا سے شہریوں کی جان چھڑا دی. سی پی او راولپنڈی محمد فیصل رانا صاحب کے ڈر سے اب تو نام نہاد بدمعاش گروپس نے اپنے گروپس سے لاتعلقی کا اظہار کر رہے ہیں. ہم آپ کے مشکور ہیں@faisalranapsp @OFFICIALDPRPP @GOPunjabPK @RwpPolice pic.twitter.com/A1aq1aeFuj
— Husnain Nazar (@HusnainNazar2) November 7, 2019
ایک صارف نے ٹویٹ کیا کہ گائے گی دنیا گیت تیرے ڈی آئی جی محمد فیصل رانا آپ کو مبارکباد آپ نے راولپنڈی کے بچوں میں خوف و ہراس کا ماحول ختم کرکے امن میسر کیا آپکی اس کاوش کو سلام پیش کرتے ہیں ہمارا مطالبہ ہے اس ملزم کو کڑی سے کڑی سزا دلوائی جائے
گائے گی دنیا گیت تیرے
ڈی آئی جی محمد فیصل رانا آپ کو مبارکباد آپ نے راولپنڈی کے بچوں میں خوف و ہراس کا ماحول ختم کرکے امن میسر کیا آپکی اس کاوش کو سلام پیش کرتے ہیں ہمارا مطالبہ ہے اس ملزم کو کڑی سے کڑی سزا دلوائی جائے@IGPpunjab @faisalranapsp @GOPunjabPK @RwpPolice pic.twitter.com/XQQPrrbJXS— Ali Sher khokhar (@mianalisher) November 14, 2019
سی پی اوفیصل رانا نے کہا کہ انٹرنیشنل ڈارک ویب کے سرغنہ کی گرفتاری نے پنڈی پولیس کو عالمی سطح کی پولیس فورس میں لا کھڑا کیا ہے،مجھے پنڈی پولیس کے ان افسران اور جوانوں پر فخر ہے جنہوں نے عالمی سطح کے اس قانون شکن کو گرفتار کیا،سی پی او نے کہا کہ ہمیں بچوں کو جنسی تشدد کا نشانہ بنانے والے ایک ایک ملز م کو گرفتار کر کے قانون کے مطابق عدالت سے سزا دلوانا ہے،انہوں نے کہا کہ انٹرنیشنل ڈارک ویب کے سرغنہ کی گرفتاری نے پنڈی پولیس کی صلاحیتوں کو معاشرے میں ایسا اجاگر کیا ہے جس کا ہر شخص معترف ہو چکا ہے،پنڈی کی عوام کو یقین آ گیا ہے کہ جو پولیس بچوں سے زیادتی کرنے والے عالمی گینگسٹرکو گرفتار کر سکتی ہے وہ پنڈی میں بچوں کو جنسی زیادتی کا نشانہ بنانے والے ایک ایک ملزم کو گرفتار کر کر یہاں کے بچوں کو ہر قسم کے قانون شکن نے مکمل محفوظ بنائے گی-