اسلام آباد فروری 19 (ٹی این ایس): تفصیلات کے مطابق وزیراعظم عمران خان نے ذخیرہ اندوزوں کے خلاف فیصلہ کن کارروائی کا حکم دیتے ہوئے قانونی حدسےزائدغذائی اجناس ذخیرہ کرنیوالوں کیخلاف بڑے کریک ڈاؤن کا فیصلہ کرلیا ہے۔
وزیراعظم نے کہاکھانےپینےکی اجناس غیرقانونی طورپرذخیرہ نہیں ہونی چاہئیے اور قیمتوں میں ردو بدل کرکےزائد پیسہ بنانےوالوں کیخلاف کارروائی کریں، ذخیرہ اندوزوں کو10دن میں غیرقانونی ذخیرہ مارکیٹ میں لاناہوگا۔ عمران خان نے اشیائےضروریہ کی قیمتوں میں15سے20 فیصد تک کمی کی ہدایت کرتے ہوئے متعلقہ حکام کو واضح کیا کہ کسی بھی ذخیرہ اندوزکونہ چھوڑا جائے، غریب عوام کا مفاد ہر چیز سے اوپر ہے۔
ذرائع کا کہنا ہے کہ مارچ کےپہلےہفتےتک قانون کے مطابق ذخیرہ ظاہرنہ کیا تو کارروائی ہوگی، ذخیرہ اندوزوں کیخلاف کارروائی نہ کرنیوالے افسران خودکارروائی کا سامنا کریں گے۔ یاد رہے چند روز قبل وزیراعظم عمران خان نے وزیراعلیٰ پنجاب کو ذخیرہ اندوزوں اور ملاوٹ مافیا کے خلاف آپریشن تیز کرنے کی ہدایت کرتے ہوئے کہا تھا کہ عام آدمی کو ریلیف دینے کے لیے یوٹیلیٹی اسٹورز پر 15 ارب کا پیکج دیا۔
وزیراعظم پاکستان کا کہنا تھا کہ آٹے اور چینی کی سرکاری قیمتوں پر فراہمی کو یقینی بنایا جائے، انہوں نے اشیائے خورونوش کا مصنوعی بحران پیدا کرنے والوں سےسختی سے نمٹنے کی ہدایت کی۔
