اسلام آباد فروری 29 (ٹی این ایس): سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ آر ایس ایس کے غنڈے بھارتی پولیس کی نگرانی میں مسلمانوں کا قتل عام کر رہے ہیں۔
دہلی میں مسلمانوں کا قتل عام اور پولیس/RSS کے غنڈوں کے ذریعے ریاستی دہشت گردی 20 کروڑ بھارتی مسلمانوں کوبالکل اسی طرح شدت پسندی کی جانب دھکیلے گی جیسے قابض بھارتی افواج کے اہل کشمیر پر مظالم اور کم و بیش 1 لاکھ کشمیریوں کی شہادتوں کے بعد کشمیری نوجوان شدت پسندی کی جانب مائل ہوئے۔ pic.twitter.com/0IoR4GaGK5
— Imran Khan (@ImranKhanPTI) February 29, 2020
وزیراعظم نے کہا کہ بھارتی پولیس کی نگرانی میں مسلمانوں کے قتل عام سے شدت پسندی جنم لےگی، بھارت کی ریاستی دہشت گردی کا مقصد 20 کروڑ مسلمانوں کو کشمیریوں کی طرح مشتعل کرنا ہے۔
عمران خان نے اپنے پیغام میں مزید کہا کہ میں بار بار نشاندہی کر رہا ہوں عالمی برادری مداخلت کرے، ایسا نہ ہوا تو ناصرف خطے بلکہ دنیا بھر کے لیے اس کے بھیانک نتائج ہوں گے۔