اسلام آباد مارچ 30 (ٹی این ایس): ڈپٹی کمشنر اسلام آباد حمزہ شفقات کے مطابق صارفین کی آسانی کے لیے رقم کی ترسیل والی دکانیں ہفتے میں تین دن 12 سے شام 4 بجے تک کھلی رہیں گی۔
ڈپٹی کمشنر اسلام آباد کے مطابق ہفتے میں تین روز کے لیے ایزی پیسہ، جاز کیش، اور یو پیسہ شاپس کھلی رکھنے کا فیصلہ بینکوں سے رش ختم کرنے کے لیے کیا گیا ہے۔
ڈی سی اسلام آباد کے مطابق مہینے کی آخری اور شروع کی تاریخوں میں شہریوں کو رقوم بھیجنی ہوتی ہیں۔
