ریسٹوینٹس اور ہوٹلز میں اِن ڈور کھانوں پر پابندی کے حوالے سے نوٹیفیکشن جاری
اسلام آباد 01 دسمبر 2020 (ٹی این ایس): تفصیلات کے مطابق اسلام آباد ڈی سی اسلام آباد حمزہ شفقات کی جانب سے ایک نوٹیفیکیشن جاری کیا گیا ہے جس میں ان ڈور کھانوں پر پابندی عائد کر دی گئی ہے۔
نوٹیفیکشن کے مطابق اسلام آباد میں تمام اقسام کے اِن ڈور کھانوں پر پابندی ہوگی، ریسٹورینٹس اور ہوٹلز کو اوپن ایریاز میں کھانوں اور ٹیک اوے سروس کی اجازت ہوگی۔ کاروباری اوقات کار کے حوالے سے احکامات کا اطلاق ہوٹلز اور ریسٹورینٹس پر نہیں ہوگا۔ تمام اسسٹنٹ کمشنرز اور سب ڈویژنل مجسٹریٹ احکامات پر عمل درآمد یقینی بنانے کے لیے فیلڈ میں موجود ہیں۔ مزید کورونا پھیلاؤ روکنے کے لیے ایپڈیمک ڈیزیز ایکٹ کے تحت احکامات جاری کیے گئے۔ احکامات کا اطلاق تاحکم ثانی رہے گا۔
