اسلام آباد 18 دسمبر 2020 (ٹی این ایس): معاون خصوصی ڈاکٹرشہبازگل کا کہنا ہے کہ پی ایس ایکس کی بہترپرفارمینس پی ڈی ایم بیانیے کی موت ثابت ہوئی اورپی ایس ایکس 2.5سال کی بلندترین سطح پر پہنچ گئی۔
کورونا کے باعث جہاں سپر پاورز معاشی غیر استحکام کا شکار ہوئیں وہیں پاکستان نے اپنی بہترین حکمت عملی اور عمران خان کےوژن کیوجہ سے ناصرف کورونا کو ہرایابلکہ صنعتوں کےکھولنےسےغریب کو روزگاربھی فراہم ہوااورنئےکاروباربھی شروع ہوئے PSXکی بہترین پرفارمینسPDMکےبیانیےکی موت ثابت ہوئی
2/2
— Dr. Shahbaz GiLL (@SHABAZGIL) December 18, 2020
تفصیلات کے مطابق معاون خصوصی ڈاکٹرشہبازگل نے سماجی رابطے کی ویب سائٹ ٹوئٹر پر اپنے بیان میں کہا ہے کہ کوروناکےباعث سپر پاورزمعاشی غیراستحکام کاشکارہوئیں لیکن پاکستان نےاپنی بہترین حکمت عملی سےکورونا کو ہرایا بلکہ صنعتیں کھولیں، جس سے غریب کوروزگاربھی فراہم ہوااورنئےکاروباربھی شروع ہوئے۔
ڈاکٹرشہبازگل کا کہنا تھا کہ پی ایس ایکس کی بہترپرفارمینس پی ڈی ایم بیانیے کی موت ثابت ہوئی، پی ایس ایکس 2.5سال کی بلندترین سطح 43766 پوائنٹس پر پہنچ گئی، 73.07فیصدکمپنیوں کےشیئرزکی قیمتوں میں اضافہ ہوا جبکہ مارکیٹ کی سرمایہ کاری مالیت 76ارب63کروڑ93لاکھ روپے بڑھی۔