لاہور 29 مئی 2021 (ٹی این ایس): وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان کا بیان
چچا بھتیجی ایک دوسرے کو سرعام دھوکہ دے رہے ہیں، جعلی خادم اعلیٰ اپنے گھسے پٹے بیانیے کا چورن بیچنا چاہتے ہیں جو نہیں بکے گا
جعلی راجکماری اپنی علیحدہ ڈگڈگی بجا رہی ہیں، اپوزیشن کے پاس کوئی ایشو نہیں، کاغذی شیر گیدڑوں سے بھی بزدل نکلے ہیں
ہوس اقتدار میں اندھی پی ڈی ایم کی اپنی صفوں میں انتشار، مولانایادرکھیں کہ جعلی راجکماری،جعلی شہزادے کے بعد ان سے جعلی خادم اعلیٰ ہاتھ کرینگے
لاہور29مئی: وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے اپنے بیان میں کہا ہے کہ پی ڈی ایم کی بیٹھک پہلے ہی بیٹھ چکی ہے،آج بھی اس سے کچھ نہیں نکلے گا۔ اپوزیشن کا سیاسی تماشہ صرف گفتن، شنید اور برخاستن تک محدود رہے گا۔ پی ڈی ایم کی بیٹھک سے صرف مردہ چوہا ہی نکلے گا۔ انہوں نے کہا کہ چچا بھتیجی ایک دوسرے کو سرعام دھوکہ دے رہے ہیں۔ جعلی خادم اعلیٰ اپنے گھسے پٹے بیانیے کا چورن بیچنا چاہتے ہیں اور یہ چورن اب بکنے والا نہیں۔ جعلی راجکماری اپنی علیحدہ ڈگڈگی بجا رہی ہیں۔ انہوں نے کہا کہ اپوزیشن کے پاس کوئی ایشو نہیں۔ عقل سے عاری اپوزیشن نے پہلے بھی نان ایشوز پر سیاست چمکاکراپنی جگ ہنسائی کرائی۔ پی ڈی ایم کے ٹولے کی گھٹیا سیاست کی لٹیا ڈوب چکی ہے۔ کاغذی شیر گیدڑوں سے بھی بزدل نکلے ہیں۔ عوام لٹیروں اور چوروں کی باتوں میں نہیں آئیں گے۔ رسوائی اورشرمندگی اپوزیشن عناصر کا مقدر ہے اوررہے گی۔ ہوس اقتدار میں اندھی پی ڈی ایم کی اپنی صفوں میں انتشار ہے۔ مولانایادرکھیں کہ جعلی راجکماری،جعلی شہزادے کے بعد ان سے جعلی خادم اعلیٰ ہاتھ کریں گے۔
