لاہور 02 جون 2021 (ٹی این ایس): وزیراعلیٰ پنجاب سردار عثمان بزدار سے ایم این اے چودھری مونس الہی کی قیادت میں مسلم لیگ ق کے وفد کی ملاقات باہمی دلچسپی کے امور اورسیاسی صورتحال پرتبادلہ خیال مسلم لیگ ق کے وفد میں ایم این اے سالک حسین، صوبائی وزراء عمار یاسراور محمد رضوان شامل تھے پرنسپل سیکرٹری وزیر اعلی پنجاب بھی اس موقع پر موجود تھے وزیر اعظم عمران خان کی قیادت میں پاکستان معاشی ترقی کی راہ پر گامزن ہو چکا ہے -عثمان بزدار کا کہنا تھا کہ موجودہ حالات میں انتشار کی سیاست کی کوئی گنجائش نہیں، افراتفری پھیلانے کی کوشش کرنے والے عناصر دشمن کے ایجنڈے پر چل رہے ہیں۔ مایوسی کا شکار اپوزیشن عوام کو گمراہ نہیں کرسکتی۔ مسلم لیگ ق ہماری اتحادی ہے اور اتحادیوں کے ساتھ تعلقات پہلے سے زیادہ مضبوط ہیں۔ اتحادی جماعت سے بہترین ورکنگ ریلیشن شپ ہے۔ اتحادی جماعت کو ساتھ لے کر چل رہے ہیں۔ فیصلہ سازی کے عمل میں مسلم لیگ (ق) کو شریک کیا گیا ہے۔ ہر ضلع کا علیحدہ ڈویلپمنٹ پیکیج تیار کیا ہے۔ جلد گجرات اور منڈی بہاؤالدین کا دورہ کرو ں گا- عوام کو مزید سہولتیں فراہم کرنے کیلئے مل کر کام جاری رکھیں گے۔ چودھری مونس الہی نے کہا کہ ملکر عوامی خدمت کرتے رہیں گے۔ ہمارا نصب العین صرف عوام کی خدمت ہے۔ ہم ایک ہیں اور ایک رہیں گے- وزیر اعلی عثمان بزدار کی جانب سے ڈسٹرکٹ ڈویلپمنٹ پیکیج کا اعلان خوش آئند ہے۔
