لاہور 02 جون 2021 (ٹی این ایس): وزیر اعلی پنجاب سردار عثمان بزدار سے صوبائی وزیر محنت انصر مجیدخان نیازی اوررکن پنجاب اسمبلی اسد کھوکھر کی ملاقات، باہمی دلچسپی کے امور،محکمہ محنت کی کارکردگی اور سیاسی صورتحال پر تبادلہ خیال پنجا ب حکومت نے ورکرز کی کم ازکم اجرت 20ہزار روپے کر دی ہے۔ محنت کشوں کے حقوق کے تحفظ کے لئے ہر ضروری اقدام اٹھا رہے ہیں۔ صوبے کی تاریخ میں پہلی بار سوشل سکیورٹی کے ہسپتالوں میں عام آدمی کا علاج معالجہ ہورہاہے۔ ماضی کی حکومت نے ورکرز کی فلاح و بہبود پر کوئی توجہ نہیں دی۔ اپوزیشن کا ٹولہ ترقی کے سفر میں رخنہ ڈالنے کی کوشش کررہاہے۔ پی ڈی ایم سے حکومت کو کوئی خطرہ نہیں بلکہ پی ڈی ایم اپنے لئے خود خطرہ بنی ہوئی ہے۔ بند گلی میں پھنسی ہوئی پی ڈی ایم کیلئے فیس سیونگ بھی مشکل ہو چکی ہے۔ عوام کی حمایت سے تحریک انصاف کے مینڈیٹ کے خلاف ہر سازش ناکام بنائی۔ عوامی ترقی کے راستے میں اپوزیشن کے منفی حربے برداشت نہیں کیے جائیں گے۔ لانگ مارچ اور استعفوں کے بعد یہ ٹولہ اب منتوں پرآچکا ہے۔ کرپشن کی دلدل میں دھنسے عناصر صرف خالی نعرے لگا سکتے ہیں۔ ان لوگوں میں عمل کرنے کی صلاحیت ہی نہیں۔ پی ڈی ایم کی قیادت کے اترے چہروں سے مایوسی عیاں ہے۔
