وہاڑی 09 دسمبر 2021 (ٹی این ایس): کورونا ایس او پیز میں غفلت بڑے خطرناک حالات پیدا کر سکتی ہے سید وسیم حسن اسسٹنٹ کمشنر وہاڑی سید وسیم حسن نے اچانک جمنیزیم وہاڑی میں قائم کورونا ویکسینیشن سنٹر کا دورہ کیا انہوں نے سٹاف کی حاضری چیک کی سٹاک رجسٹر دیکھا اور سنٹر میں موجود ویکسین کا بھی معائنہ کیا اسسٹنٹ کمشنر وہاڑی نے پہلے سے نامکمل انتظامات کو فوری مکمل کروایا اسسٹنٹ کمشنر وہاڑی کی نگرانی میں پینے کے صاف پانی کے لیے الکٹرک واٹر ڈسپنسر نصب کیا گیا ایمرجنسی روم کی بیوٹیشن ریپئرنگ اور واشرومز کی ریپئرنگ سمیت دیگر نامکمل ریپئرنگ اور بیوٹیشن کے انتظامات کو مکمل کروا کر انتظامیہ کے حوالے کیا گیا اس موقع پر اے سی وہاڑی کا کہنا تھا کہ ویکسینیشن سنٹر میں تمام سہولیات فراہم کی گئی ہیں شہریوں کی سہولت کو مدنظر رکھتے ہوئے لاہور اسلام آباد اور ملتان کے بعد اب وہاڑی میں بوسٹر ڈوز کا آغاز کر دیا گیا ان کا مزید کہنا تھا کے کورونا ایس او پیز میں غفلت سے دوبارہ خطرناک حالات کا سامنا کرنا پڑ سکتا ہے تمام شہری ایس او پیز پر عملدرآمد یقینی بنائیں سماجی فاصلہ برقرار رکھیں اور ماسک کی پابندی کریں دوسری جانب شہریوں نے بوسٹر ڈوز کے آغاز پر ضلعی انتظامیہ کو خراج تحسین پیش کیا بعدازا اسسٹنٹ کمشنر سید وسیم حسن نے شہر کے مختلف علاقوں میں صفائی ستھرائی کا جائزہ لیا عملہ صفائی کی حاضری چیک کی اور خاکروبوں کو شاباش دی اے سی وہاڑی پی سی بی کے ٹیلنٹ ہنٹ پروگرام کے زیر اہتمام انڈر16 ٹرائل کمپ بھی گئے جہاں کھلاڑیوں اور آفیشلز سے ملے اور ان کو مکمل تعاون کا یقین دلایا ۔
