وہاڑی 05 جنوری 2022 (ٹی این ایس): تفصیلات کے مطابق ڈی پی او امیر عبداللّہ خان نیازی نے دفتر پولیس میں کھلی کچہری کا انعقاد کیا جہاں پر انہوں نے شہریوں کے مسائل سنے. کھلی کچہری میں مختلف شعبہ ہائے زندگی سے تعلق رکھنے والے افراد کی کثیر تعداد نے شرکت کی جبکہ ڈی پی او امیر عبداللّہ خان نیازی نے شہریوں کی درخواستوں پر احکامات صادر کئے۔ اس موقع پر ڈی پی او وہاڑی امیر عبداللّہ خان نیازی کا کہنا تھا کہ کھلی کچہری کے دوران شہریوں کے مسائل ترجیحی بنیادوں پر حل کئے جاتے ہیں. میرے دفتر کے دروازے تمام شہریوں کیلئے ہمیشہ کھلے ہیں. لوگوں کی دادرسی اور ان کے مسائل کا بروقت حل ہی میرا مشن ہے.
