اسلام آباد 27 مئی 2022 (ٹی این ایس): الیکشن ترمیمی بل 2022 کو سینیٹ سے بھی منظور کر لیا گیا۔ بل منظور ہونے کے بعد اپوزیشن اراکین نے ایجنڈے کی کاپیاں پھاڑ دیں۔
سینیٹ کا اجلاس اسپیکر صادق سنجرانی کی زیرصدارت شروع ہوا۔ اجلاس میں الیکشن ترمیمی بل 2022 کو اکثریت رائے سے منظور کر لیا گیا۔ بل منظور ہونے کے بعد اپوزیشن اراکین نے ایجنڈے کی کاپیاں پھاڑ دیں۔
بل کے خلاف اپوزیشن نے سینیٹ میں احتجاج کیا اور چیئرمین سینیٹ کے سامنے جمع ہو گئے۔
واضح رہے کہ الیکشن ترمیمی بل کو گزشتہ روز قومی اسمبلی سے منظور کیا گیا تھا۔
