عمران خان نااہل قرار لیکن دراصل یہ نااہلی کتنے عرصے کیلئے ہوگی؟ خبرآگئی

جس کیخلاف تحریک انصاف نے ہائیکورٹ سے رجوع کرنے کا بھی اعلان کردیا لیکن یہ نااہلی کتنے عرصے کے لیے ہوگی، اس بارے مختلف آراء سامنے آگئی ہیں۔ دنیا نیوز نے بتایا کہ عمران خان کو پانچ سال کے لیے نااہل قرار دیا گیا ہے،انہیں میانوالی کی نشست سے ڈی سیٹ کیاگیا ۔ معروف صحافی اسلام الدین ساجد نے بھی بتایا کہ ” فیصلے کے مطابق عمران خان کے نااہلی صرف اس ٹرم کے لیے ہوگی”۔ ادھر صحافی ریاض الحق نے بتایا کہ ” عمران خان نااہل قرار دیے گئے ، ان کی اسمبلی سیٹ خالی قرار دے کر فوجداری کارروائی کا حکم دیدیا گیا تاہم وہ تاحیات نااہلی سے بچ گئے”۔ یاد رہے کہ عمران خان میانوالی کی نشست سے ابھی تک رکن اسمبلی ہیں اور ان کا استعفیٰ منظور نہیں ہوا۔ ادھر کامران خان نے بتایا کہ ” عمران خان بھی صادق و امین نہیں رہے الیکشن کمیشن کا حکم ، عمران خان 5 سال تک سیاست سے ناہل اقرار، کرمنل ایف آئی آر تیار، ایف آئی اے کی تحقیقات جاری ہیں”۔