بلاول بھٹو کی شادی ماہ نور سومرو سے طے ، ماہ نور کون ہیں ؟ بلاول بھٹو کی مبینہ دلہن نے بھی خاموشی توڑ دی

خبروں پر ماہ نور سومرو کا موقف آگیا. ہیلو میگزین نے ذرائع کے حوالے سے دعوی کیا ہے کہ بلاول بھٹو زرداری کی شادی ماہ نور سومرو کے ساتھ طے پائی ہے. وہ پیپلز پارٹی کی بانی کارکن رقیہ خانم سومرو کی پوتی ہیں. دونوں کی شادی کی تقریب کراچی میں منعقد ہوگی. بلاول کی شادی کی تاریخ سامنے نہیں آئی اور نہ ہی پیپلز پارٹی کی طرف سے باضابطہ طور پر اس حوالے سے کوئی بیان جاری کیا گیا ہے تاہم ماہ نور سومرو نے ان خبروں کی تردید کی ہے. اپنے ایک ٹویٹ میں ماہ نور سومرو نے کہا کہ برائے مہربانی میری شادی سے متعلق جعلی خبریں پھیلانے سے گریز کریں. بلاول بھٹو زرداری میرے پارٹی لیڈر ہیں اور پیپلز پارٹی تمام جیالوں کی فیملی ہے.