کراچی کو بجلی فراہم کرنے کے ذمے دار ادارے کے الیکٹرک نے پاکستان اسٹاک ایکسچینج کو خط لکھ دیا۔

کے الیکٹرک کے پاکستان اسٹاک ایکسچینج کو لکھے گئے خط میں کہا گیا ہے کہ کورٹ نے کے الیکٹرک کو تاحال کوئی احکامات نہیں دیے ہیں۔

خط کے متن میں کے الیکٹرک کا کہنا ہے کہ کورٹ کے احکامات ملنے پر پاکستان اسٹاک ایکسچینج کو جلد آگاہ کر دیا جائے گا۔

کے الیکٹرک کی جانب سے بورڈ کی تبدیلی پر کورٹ کے حکم نامے کی خبر کے جواب میں پاکستان اسٹاک ایکسچینج کو یہ خط لکھا گیا ہے۔

کے الیکٹرک کی ایک اور ڈائریکٹر مستعفی

دوسری جانب پاکستان اسٹاک ایکسچینج کی جانب سے کہا گیا ہے کہ کے الیکٹرک کی ایک اور ڈائریکٹر نے استعفیٰ دے دیا ہے۔

پی ایس ایکس کے اعلامیے کے مطابق کے الیکٹرک کی ڈائریکٹر سعدیہ خرم نے استعفیٰ دیا ہے۔

پاکستان اسٹاک ایکسچینج کا یہ بھی کہنا ہے کہ سعدیہ خرم کی بطور ڈائریکٹر تعیناتی کے ای ایس لمیٹڈ نے کی تھی۔