حقیقی آزادی لانگ مارچ کے قافلوں کے راولپنڈی پہنچنے پر تحریک انصاف اسلام آباد کی طرف سے بھرپور استقبال کیا جائے گا یہ فیصلہ جمعہ کی سہہ پہر ہونے والے ایک خصوصی اجلاس میں کیا گیا جس کی صدارت ریجنل صدر علی نواز اعوان نے کی – اجلاس میں فیصلہ کیا گیا کہ 19 نومبر ہفتے کے روز اسلام آباد ریجن کی تمام یونین کونسلز سے بھرپور ریلیوں کی صورت میں کارکنان، خواتین اور بزرگوں کی ایک بڑی تعداد روات پہنچے گی اور حقیقی آزادی مارچ کے دونوں قافلوں کا بھرپور خیر مقدم کرے گی وزیرآباد سے آنے والے قافلے کی قیادت وائس چیئرمین پی ٹی آئی شاہ محمود قریشی کررہے ہیں جبکہ فیصل آباد ریجن سے مرکزی سیکرٹری جنرل اسد عمر کی قیادت میں قافلہ روات پہنچے گا ۔
کارکنان روات میں چیئرمین عمران خان کا تاریخی خطاب براہ راست سنیں گے جس میں کپتان آئندہ کے لائحہ عمل کا اعلان کریں گے
اجلاس میں اظہارِ خیال کرتے علی نواز اعوان نے کہا انشااللہ حقیقی آزادی مارچ ہر صورت کامیاب ہوگا اور عوام کو اس فاشسٹ حکومت سے نجات ملے گی
