پاکستان تحریک انصاف کے رہنما اور سابق وفاقی وزیر فواد چودھری کو ڈینگی ہو گیا ہے، جس کا انکشاف ان کے وکیل فیصل چودھری کی جانب سے کیا گیا ہے۔
الیکشن کمیشن میں پی ٹی آئی قیادت کے خلاف توہین الیکشن کمیشن کی سماعت ہوئی، جس میں عمران خان اور فواد چودھری کی طرف سے ایڈووکیٹ فیصل چودھری پیش ہوئے۔
فیصل چوہدری نے عدالت میں بتایا کہ عمران خان پر قاتلانہ حملہ ہوا ہے وہ زخمی ہیں انہیں کچھ مہلت دی جائے جبکہ فواد چودھری کو ڈینگی بخار ہے پندرہ دن کی مہلت دی جائے۔
پی ٹی آئی کی حاضری سے استثنی کی درخواست پر الیکشن کمیشن نے کیس کی سماعت 13دسمبر تک ملتوی کردی۔
