اسلام آباد ہائیکورٹ نے کیس کی سماعت کے دوران ریمارکس دیتے ہوئے کہاکہ روایت بن چکی ہے کہ ایک بندہ دو عہدے سنبھالتا ہے،وزیراعظم کو پھر وزیراعلیٰ بھی ہونا چاہیے اس طرح فیصلے جلدی ہو جائیں گے۔
تفصیلات کے مطابق اسلام آباد ہائیکورٹ میں عثمان یونس کی بطور چیف کمشنر، چیئرمین سی ڈی اے 2 عہدوں پر تقرری کیخلاف درخواست پر سماعت ہوئی، جسٹس میاں گل حسن اورنگزیب نے کہاکہ روایت بن چکی ہے کہ ایک بندہ2عہدے سنبھالتا ہے،عدالت نے کہاکہ وزیراعظم کو پھر وزیراعلیٰ بھی ہونا چاہیےاس طرح فیصلے جلدی ہو جائیں گے،کمشنر کو اگردوسری ذمہ داری دے دیں تو وہ اس عہدے پر زیادہ توجہ نہیں دیتے۔عدالت نے وکلاء کی جانب سے التوا ءکی استدعا منظور سماعت 30 جنوری تک ملتوی کر دی۔
