مسلم لیگ ق کے رہنما وفاقی وزیر سالک حسین کا کہنا ہے کہ اگر کوئی پی ٹی آئی میں جاتاہے تو ایک گروپ جائے گا، ق لیگ پی ٹی آئی میں ضم نہیں ہورہی۔
مسلم لیگ ق کے پی ٹی آئی میں ضم ہونے کے حوالے سے شجاعت حسین کے صاحبزادے سالک حسین نے ردعمل کا اظہار کرتے ہوئے کہا ہے کہ پرویز الٰہی کی ق لیگ کو تحریک انصاف میں ضم کرنے کی خواہش ان کی اپنی نہیں، بلکہ کسی اور کی ضد لگتی ہے۔
وفاقی وزیر سالک حسین نے کہا کہ پرویزالہی بچوں کی انا اور خواہشات پر سیاسی فیصلے کرنے سے پہلے ایک مرتبہ اپنی کہی ہوئی باتیں یاد کر لیں، جس شخص کو آج آپ چلا ہوا کارتوس بول رہے ہیں انہی کی وجہ سے پارٹی کی پہچان اورعزت ہے۔سالک حسین کا مزید کہنا تھا کہ مسلم لیگ ق اپنی الگ شناخت برقرار رکھے گی، چوہدری شجاعت حسین کی سربراہی میں ق لیگ کہیں ضم نہیں ہورہی، اگر کوئی پی ٹی آئی میں جاتا ہے تو ایک گروپ جائے گا۔
